НУ Завод и Музеј Штип е основан на 10.05.1950 година. Првичната поставка била во Хуса–Медин пашината џамија, а од 1956 година музејот е сместен во куќата на Арсови. Со годините се збогатува со значајни изложбени простори: уметничката галерија Безистен (1964), галеријата на икони во Ново Село (1972), како и археолошката поставка во куќата Аневи–Гочеви. Од 1979 година институцијата добива статус Завод за заштита на спомениците на културата и Народен музеј, а денес функционира како музејски комплекс од три објекти. Во нејзин состав работат и Музејот на ВМРО за Штип и Штипско (отворен 2014), Галерија Безистен и Спомен куќата на Славчо Стојменски.